- Ба ифтихори Ҷашни байналмилалии Наврӯз -
А. Ҷомӣ. БАИСТИФОДАДИҲИИ БИНОИ ИЛОВАГИИ СЕ МУАССИСАИ ТАЪЛИМӢ
Дар се муассисаи таълимии ноҳияи ба номи Абдураҳмони Ҷомӣ дар арафаи Ҷашни байналмилалии Наврӯз биноҳои иловагӣ мавриди баҳрабардорӣ қарор дода шуданд.
Дар ифтитоҳи биноҳои нави муассисаҳои таълимӣ муовини вазири маориф ва илми кишвар Сафарзода Дилшод Ғанӣ, намояндаи Мақомоти иҷроияи ҳокимияти давлатии вилояти Хатлон - сардори раёсати маориф Ғазалшоҳ Сафарзода, раиси ноҳияи Абдураҳмони Ҷомӣ Раҳимзода Сафармаҳмад Абдураҳмон
ва дигар масъулон ширкат доштанд.
Тибқи иттилои манбаъ, дар назди муассисаи таълимии рақами 31-и ноҳия 7 синфхонаи иловагӣ барои 168 нафар хонанда, назди муассисаи таълимии рақами 18 низ 7 синфхона бо фарогирии 168 ҷойи нишаст ва дар назди муассисаи таълимии рақами 42 - и ноҳияи мазкур 6 синфхона бо 144 ҷойи нишаст ба истифода дода шуданд.
Бинои иловагии синфхонаҳои муассисаҳои таълимӣ бо сифати баланд ва дар шароити мусоиди таълиму тарбия бо мусоидати Вазорати маориф ва илм, Мақомоти иҷроияи ҳокимияти давлатии вилоят, шарикони рушд ва кумитаи падару модарон сохта ба истифода дода шудааст.