- Омӯзгори сол -

ДАВРИ ШАҲРИИ ОЗМУНИ ҶУМҲУРИЯВӢ

Дар шаҳру ноҳияҳои вилояти Хатлон даври дуюми озмуни ҷумҳуриявии "Омӯзгори соли Тоҷикистон - 2024" баргузор гардида истодааст.

Бахсус, дар шаҳри Бохтар бо иштироки доираи васеъи довталабон даври шаҳрӣ гузаронида шуд.

Дар даври шаҳрии озмун муовини сардори раёсати маориф Сарфароз Ёқубзода, мудири шуъбаи маориф Шоиста Абдуназарзода ва довталабон аз ҳамаи муассисаҳои таълимии шаҳри Бохтар ширкат карданд.

Аз рӯйи талаботи озмун довталабон маҳорати худро нишон доданд.

Ҳайати ҳакамон як нафар фаъолтарин довталабро интихоб карда, ба даври вилоятӣ роҳхат медиҳанд. Бояд нафаре интихоб гардад, ки шарафи шаҳру вилоятро дар сатҳи ҷумҳурӣ ҳимоя карда тавонад.