- Фаъолияти гурӯҳҳои корӣ -

Кӯшониён. НАЗОРАТИ РАВАНДИ ТАЪЛИМУ ТАРБИЯ

Гурӯҳи корӣ бо роҳбарии сардори раёсати маориф Ғазалшоҳ Сафарзода аз муассисаҳои таълимии ноҳияи Кӯшониён дидан ба амал оварда, барои беҳтар намудани сифати таҳсилот ва ба роҳ мондани усули муосири коргузорӣ баҳри рушди соҳаи маориф ба масъулин дастуру супориш дода шуд.

Гурӯҳи кории мазкур дар муассисаҳои таълимӣ ба масъалаҳои саривақт ҳозир шудани хонандагон ба дарс, давомоти толибилмон, сару либоси ягонаи мактабӣ ва вазъи рӯзномаву китобдории муҳасилин таваҷҷуҳ намуданд.

Ёдовар мешавем, ки гурӯҳи корӣ баҳри иҷрои дастури вазири маориф ва илми Ҷумҳурии Тоҷикистон ташкил гардида, дар дигар шаҳру ноҳияҳо низ фаъолияти худро идома хоҳад дод.